Здружението за применети истражувања и иновативни решенија АПЛИКА Скопје (кратко име: Здружение АПЛИКА Скопје) е независна, експертска истражувачка организација законски основана во Скопје, Република Северна Македонија. Нашите активности се протегаат на целата територија на Република Северна Македонија, со потенцијал за меѓународно работење преку соработка.

Нашата визија: Ние се залагаме за напредно, отворено општество кое постојано се развива, применува практики засновани на докази и усвојува одржливи иницијативи и политики втемелени на квалитетни индикатори.

Нашата мисија: Да ја промовираме и спроведуваме примената на научни истражувања и иновативни решенија за решавање на актуелните општествени, економски и еколошки проблеми и за подобрување на човечката добросостојба. Ова го постигнуваме преку зголемување на знаењето и вклученоста на граѓаните и преку поддршка на донесувањето одлуки засновани на кредибилни податоци и докази.

1. Промовирање на применети решенија: Промовирање на примената на научни, истражувачки и иновативни решенија во сите општествени сфери.

2. Развој заснован на докази: Развивање, поддржување и спроведување на практики засновани на факти и докази во академските и социјалните средини, како на национално, така и на меѓународно ниво.

3. Градење капацитети: Унапредување на методолошките и аналитичките капацитети на поединци и институции.

4. Ефективни политики: Подобрување на општеството преку креирање и промовирање ефективни јавни политики за добро владеење во јавниот и во деловниот сектор.